“A man who won’t die for something is not fit to live.”

Ang mga katagang nasa itaas ay sinambit ni Martin Luther King Jr. sa kanyang autobiography. Ang bawat tao ay nangangailangan ng isang bagay na kanyang ipaglalaban hanggang sa kamatayan: paniniwala, ideolohiya, adbokasiya, o mga taong mahahalaga sa kanyang buhay. Ang bagay na ito ay magiging hugutan nya ng direksyon at inspirasyon. Hangga’t hindi ito natatagpuan, ang buhay ay maaring mauwing walang saysay.

Maligayang Huwebes mga ka LP!

Lubhang naging mapanghamon ang theme para sa linggong ito. Sa sobrang lawak ng paksa ay hindi ko malaman kung anong “ito” ang itatampok ko. Mabuti na lamang at naalala ko ang mga larawang kuha ko ng bumisita kami sa Iloilo tatlong buwan na ang nakalilipas.

Ito (This) ay bahagi ng bas-relief na pumapalamuti sa simbahan ng Santo Tomas de Villanueva sa Miagao, Iloilo. Isa sa apat na simbahang Baroque sa Pilipinas na itinala noong 1993 sa talaan ng Pandaigdigang Pamana ng UNESCO. Dalawa sa mga simbahang ito ay matatagpuan sa Ilocos region at ang isa ay nasa Intramuros, Maynila. Mapalad akong mabigyan ng pagkakataon na personal na masilayan ang apat na simbahang ito.

Maligayang Huwebes mga ka-LP!

Tapos na nga ang Pasko ngunit mas tumitindi pa din ang lamig. Ito ang panahon ng pagpapahinga ng ating mga bentilador. Sana lamang na sa gitna ng ginaw ay patuloy na nagbibigay init ang ating kalinga at pag-aalala para sa mga taong ating minamahal.

Maligayang Huwebes sa inyong lahat!

Minsan ay nakakaramdam tayo na ang ating mundo ay gumuguho. Parang kahit saang direksyon tayo lumingon ay pawang dead end ang ating nakikita. Sa mga ganitong pagkakataon na parang ang lahat ng direksyon at oportunidad ay sarado, bakit hindi ka tumingi sa itaas?

Maligayang Huwebes mga ka LP… simbang gabi na, simula na ng Pasko.

–
Ang toreng ito na nasa Chinese Cemetery ay ang nagsisilbing memorial para sa mga nasawi sa pagguho ng Ruby Tower.

Ang mga acrylic colour na ito ay nagtataglay ng lapot ngunit sila din ay nagtataglay ng kulay. Matutunan sana natin na sa ating buhay, huwag lamang ang lapot (richness) ang ating naisin kundi atin ding asamin na matagpuan ang kaligayahan o kulay nito. Do not postpone joy!

Maligayang Huwebes mga ka LP!

Humayo kang mapayapa sa gitna ng ingay at pagmamadali, at alalahanin mo kung anong kapayapaan mayroon sa katahimikan. Hangga’t maaari, ng walang pagsuko, maging mabuti ang pakikitungo mo sa lahat ng tao. Ipahayag mo ang iyong katotohanan ng tahimik at buong linaw; at makinig ka sa iba, maging sa mga kabagot-bagot at mangmang; sila man ay mayroon ding sariling salaysay.

~ bahagi ng Desiderata na isinalin sa Filipino

Maligayang araw ng Huwebes mga ka-LP!

Maligayang ika-isangdaan at isang LP mga kaibigan! Isa marahil sa mga pangunahing kakayahan na dapat taglayin ninuman ay ay pagiging matalino sa pagpili ng mga salitang binibitawan. May mga salitang makukulay ngunit hindi kaagad na mauunawaan.

Ang mga moden grafitti ay hindi madaling mapahalagahan ng mga tao. May mga iba na itinuturing pa nga itong bandalismo. Ngunit ito ay isang pagpapahayag ng mga taong lumikha nito. Minsan ay may salita, minsan ay panay larawan. Tulungan mo nga akong basahin ang tampok sa larawan…

Kung titignan mo ang piano, masasabi mong ito ay isang instrumento na kailangang pukpukin upang tumunog. Ngunit kung titignan mo ang niloloob nito, makikita mo na ang tunog nito ay nagmumula sa napakaraming strings.

I don’t want to be preachy pero sana, bilang paghahanda sa darating na halalan sa ating bansa, ay matutunan din nating tignan ang niloloob ng mga kandidato sa pagka-pangulo. Huwag tayong padadala agad to the things that are readily obvious.

Maligayang Huwebes mga ka LP!

Garuda holding a naga. Around the base of the ubosoth of the Temple of the Emerald Buddha.

Isa sa mga bansang nais kong puntahan ay ang Thailand. Kaya isang malaking kagalakan para sa akin na sa wakas ay nakapunta na ako dito noong isang linggo.

Maigsi lamang ang aming pagtigil dito, wala pa halos 48 oras ngunit tunay kong nagustuhan ang bansang ito. Marami akong pinlanong gawin ngunit ilan lamang ang natupad. Ngnuit masasabi ko na lubos naming nasulit ang pagtigil namin dito. Hindi ako nanghihinayang sa mga hindi ko nagawa dahil ito ay nagsisilbing dahilan upang ako ay bumalik at ang ideya na ito ay lubos kong naiibigan.

Maligayang Huwebes mga ka-LP!