LP goes to St. Andrews – Scotland, UK
December 15, 2009 by T
Filed under L.P. goes to!, News & Updates
LP goes to St. Andrews, Scotland, UK!
Maraming mga magagandang tanawin at puntahan dito sa Scotland, UK. Kaya lang malamig ang panahon, at madalas umulan. Kaya minsan nakakatamad lumabas. Ngunit noon nakaraang Oktubre, nagkaroon ako ng pagkakataon na sumamang mamasyal sa St. Andrews, Fife kasama ng iba pang mga estudyante at mga kaibigan na taga-rito. Eksayted ako dahil kilalang-kilala itong lugar na ito sa mga naglalaro ng golf, at saka sa mga interesado kay Prince William. Mabuti naman noon at maganda ang panahon, hindi masyadong malamig, sumikat ang araw, at walang ulan. Dito palaging usapan ang panahon kaya pasensya na.
Mga tatlong kasal yata ang aming nakita. Dito sa harap ng St. Andrews’ Castle may bagpiper na tumutugtog upang i-welkam ang mga bisita. Masarap pakinggan ang mga tugtog galing ng bagpipes at ito ang isa sa mga simbolo ng scotland. Naka-costume din ang bagpiper, suot nya ang kilt or tartan. Ito ang sinusuot ng mga lalaki tuwing may pormal na okasyon. mabigat ang makapal ang palda nito. bawat ‘clan’ o pamilya merong design at kulay ng tartan.
Umikot din kami sa ruins ng St. Andrews’ Cathedral. Malaking simbahan gawa sa bato. Maraming kinuwento ang aming tour guide tungkol sa history ng simbahang ito. Basahin nyo dito sa mga links na ito: link 1 ; link 2
Dito naman nasa background ang beach. Sa bandang kanan merong golf club and course. Sabi nila dito daw nagsimula ang larong golf. Kaya maraming pumupunta rito at marami ding mga shops na nagbebenta ng mga gamit sa golf. Tawag nga sa St. Andrews ay ‘Home of Golf’. Maraming info dito sa link na ito: http://www.standrews.org.uk/
Syempre ang maliit na syudad na ito ay puno rin ng mga shops. Kaya kami ay nagwindow shopping at namili rin nga mga kung ano-ano. Dumaan din kami sa isang coffee shop at ice cream shop. Sa harap nito merong estatwa ni paddington bear kaya kami naman ang nagposing dito.
Kaya kung kayo ay pumunta ng scotland huwag nyong kalimutang puntahan ang St. Andrews.
Carnation
http://sweetcarnation.blogspot.com
