Magandang araw mga ka litratista, narito po ang ating tema sa linggong ito, “Mahal/Pagmamahal” (love).

Ito po ay kuha noong nakaraang International Hot Air Balloon Festival sa Clark Pampanga, natyempuhan ko ang isang couple na gumagawa rin ng kanilang pre nup shoot.

Isa sa pinaka magandang paglalarawan ng kahulugan ng pag ibig ay matatagpuan sa Biblia,

1 Mga Taga-Corinto 13

Pag-ibig

 ¹Kung magsalita ako ng mga wika ng mga tao o ng mga anghel at wala akong pag-ibig, ako ay parang tansong tumutunog o kumakalansing na pompiyang. ²Kahit na may kaloob ako ng paghahayag, at ng pagkaalam sa lahat ng mga hiwaga at nasa akin ang lahat ng kaalaman, wala akong halaga kung wala akong pag-ibig. Kahit na may matibay akong pananampalataya upang mapalipat ko ang mga bundok, kung wala akong pag-ibig, wala akong halaga. ³Kahit ipamigay ko ang lahat kong tinatangkilik upang mapakain ang mga mahihirap, kahit ibigay ko ang aking katawan para sunugin, kung wala akong pag-ibig, wala akong mapapakinabang.

⁴Ang pag-ibig ay matiyaga at mabait. Ang pag-ibig ay hindi naiinggit. Ang pag-ibig ay hindi nagmamapuri o nagmamataas. ⁵Ito ay hindi nag-uugali ng di-nararapat, hindi ito naghahangad ng sariling kapakinabangan, hindi madaling magalit at hindi nag-iisip ng masama. ⁶Hindi ito nagagalak sa kalikuan kundi nagagalak sa katotohanan. ⁷Ang pag-ibig ay nagtatakip ng lahat ng bagay. Ito ay naniniwala sa lahat ng bagay, umaasa sa lahat ng bagay, nagbabata sa lahat ng bagay.
⁸Ang pag-ibig ay hindi nagwawakas. Kung mayroong paghahayag, ang mga ito ay lilipas. Kung may pagsasalita ng mga wika, sila ay titigil. Kung may kaalaman, ito ay lilipas. ⁹Ito ay sapagkat alam namin ang ilang bahagi, at naghahayag kami ng ilang bahagi. ¹⁰Ngunit kapag yaong ganap ay darating, ang ilang bahagi na iyon ay lilipas. ¹¹Nang ako ay bata pa, nagsalita ako tulad ng bata, nag-isip ako tulad ng bata, nangatwiran ako tulad ng bata. Nang ako ay malaki na, iniwan ko na ang mga bagay na pambata. ¹²Ito ay sapagkat sa ngayon ay malabo tayong makakakita sa pamamagitan ng salamin, ngunit darating ang panahon na tayo ay magkikita-kita nang harapan. Sa ngayon ang alam ko ay ilang bahagi lamang ngunit darating ang panahon na makakaalam ako tulad ng naging pagkaalam sa akin.
¹³Ngayon ang tatlong ito ay mananatili, ang pananampalataya, ang pag-asa at ang pag-ibig. Ngunit ang pinakadakila sa tatlong ito ay ang pag-ibig.

Magandang simulan ang araw ng may pag ibig, ika nga ni Kris, ‘love love love’. Hehehe.

Simulan nating bahain ng pag ibig ang ating mga blog.

kalinga ng isang ina

Ano ba ang nararamdaman mo pag tinitingnan ang larawan? Para sa akin, kalungkutan…
Kalungkutan dahil sa kaawa awang sitwasyon ng ina… sa sitwasyon ng sanggol…

Ano ba ang istoryang nabubuo sa isip mo sa pagtitig sa larawan?

mapait na katotohanan

Magandang araw mga kasama, narito ang aking bahagi para sa ating tema ngayong buong linggo, “Mapait”(bitter).

Sa araw araw nating pamumuhay, bawat isa sa atin ay may kanya kanyang hinaharap na suliranin sa buhay.  Ang sa iba ay tungkol sa pinansiyal, yung sa iba ay sa relasyon, yung sa iba naman ay maaaring ukol sa kanilang trabaho.  Pero di maikakaila na ang bawat tao dito sa mundo ay may sariling problemang hinaharap, at yan ang isang mapait na katotohanan.

Magandang araw ng huwebes.

“agahang pinoy”

Magandang araw mga kasama, narito ang aking bahagi para tema natin sa linggong ito…

Malinamnam (delicious).

Isa sa pinaka kilalang pagkaing pinoy ang tuyo.  Sa mga banyaga, ang amoy nito habang niluluto ay hindi kaaya aya, pero sa ating mga pinoy, ito ay isang napaka bangong ulam sa isang taong gutom.  Kalimitan itong kinakain sa agahan, na may kasamang kamatis at humihigop ng isang mainit na kape… hmmmm nam nam nam…

Iced tea

Magandang araw mga kalitratista, narito ang aking bahagi para sa tema sa linggong ito “Inumin’ (drinks)

Yan ang iced tea ng Contis sa paranaque.  Masarap siya, sabagay lahat naman yata sa Contis masarap, especially the Mango Bravo Cake.

Yummmy!

ang washington monument sa gabi

Magandang araw ng huwebes mga kalitratista, narito ang aking bahagi para sa tema natin sa linggong ito “manipis” (thin).

Ang Washington Monument ay isang obelisk malapit sa kanlurang dulo ng National Mall sa Washington, DC, na binuo upang ipagunita ang unang presidente ng US na si General George Washington.  Ang bantayog, na gawa sa marmol, granite, at bluestone gneiss, ay parehong pinakamataas na batong istraktura at pinakamataas na obelisk sa mundo, na nakatayo 555 talampakan at 5 1/8 pulgada  (169.294 m).

Mayroong mas mataas na monumental columns, ngunit sila alinma’y hindi lahat gawa sa bato o totoong obelisks.  Ito rin ang pinakamataas na istraktura sa Washington DC. Ito ay dinisenyo niRobert Mills, isang arkitekto ng 1840s.-from wiki

Hindi ko nga lang naakyat ang istrukturang ito ng aking mabisita.  Maaari na ring maituring na manipis ang flagpole at ang mga tubig ng fountain.

Magandang araw mga kasama.

Taipei 101

Ang ating tema sa huwebes na ito ay “malaki” (big), pwede na rin siguro ang mataas, hehe.  Narito ang pinakamataas na gusali bago mag 2010, ang Taipei 101.

Taipei 101 ranked officially as the world’s tallest from 2004 until the opening of the Burj Khalifa in Dubai in 2010.  In July 2011, the building was awarded LEED Platinum certification, the highest award in the Leadership in Energy and Environmental Design (LEED) rating system and became the tallest LEED building in the world.

The Taipei 101 tower has 101 stories above ground and five underground. Upon its completion Taipei 101 claimed the official records for:

Ground to highest architectural structure (spire): 509.2 metres (1,671 ft). Previously held by the Petronas Towers 452 m (1,483 ft).
Ground to roof: 449.2 m (1,474 ft). Formerly held by the Willis Tower 442 m (1,450 ft).
Ground to highest occupied floor: 439.2 m (1,441 ft). Formerly held by the Willis Tower 412.4 m (1,353 ft).
Fastest ascending elevator speed: designed to be 1010 meters per minute, which is 16.83 m/s (55.22 ft/s) (60.6 km/h, 37.7 mi/h). Now it has been succeeded by Burj Khalifa’s elevator whose speed of ascending is 18 m/s (64 km/h).
Largest countdown clock: Displayed on New Year’s Eve.
Tallest sundial.

Piraso

Magandang araw mga kasama, narito ang ating tema para sa linggong ito… “piraso”.  Ito po ay larawan ng mga bracelet “pulseras” (tama ba?) na itinitinda sa D’ Mall ng Boracay.  Murang mura lang siya, at mainam na pasalubong sa mga kaibigan mong di naman gaanong pihikan, hehehe.

Magandang araw ng huwebes mga ka LP.

Magandang araw ng huwebes mga kasama, narito ang ating tema para sa araw na to…

“Ginhawa ” (comfortable, cozy).

Narito ang larawan ng aking naging kuwarto sa Stoney Creek Inn sa Quincy, Illinois nung ako’y sumailalaim sa isang pagsasanay.  Solo ko ang buong kuwarto, kahit apat yata kakasya dun sa kama.  Yung stuff toy na nasa kama ay pwede mong iuwi, babayaran mo nga lang sya.  Isa ito sa mga pinaka maginahawa kong kuwarto na natuluyan.

Magandang araw mga kalitratista, narito ang ating tema para sa linggong ito…”Malaya” (free).

Narito ang isang eksena sa paggunita ng ating pagiging bansang malaya sa bayan ng angeles sa pampanga.  Kanilang isinadula ang unang anibersaryo ng pagdiriwang ng ating kalayaan.

malaya

Isa pang eksena ng pagdiriwang ng ating pagiging malaya.

Magandang araw ng huwebes mga kasama.