LP# 16 : LUNTIAN

Unang sumagi sa isip kaagad ay halaman para sa temang ito. Napakaraming luntian o berde sa ating kapaligiran ngunit napagpasyahan kong ang luntiang parte ng Liryo (tagalog wikipedia) ang ilahok sa Huwebes na ito.

Luntiang kulay na siyang nagbigay balanse sa ganda ng bulaklak na liryo.

mula sa tagalog wiki

Ang saring Lilium (Ingles: lily, lilium) ay mga mala-yerbang mga namumulaklak na halaman na karaniwang tumutubo mula sa mga bulbo (o mga bukba o sinibuyas)^[1], na binubuo ng may mga 110 uri sa pamilya ng mga liryo^[2], ang Liliaceae. Mahalagang halaman sila sa mga hardin dahil sa kanilang mga bulaklak, at maging sa larangan ng panitikan. May ilang mga bulbo ng liryo na kinakain ng mga tao. Tinatawag na mga tunay na liryo ang mga kabilang sa saring ito, habang ang ibang mga halaman na tinaguriang “liryo” o lily din ay hindi kaugnay sa grupong ito (halimbawa na ang mga kiyapo o apon, mga “liryong-pantubig”.)

Magandang Huwebes sa inyong lahat mga kasama! Huwag po ninyong kalilimutan na bisitahin ang isa’t-isa!

LP#15 Balingkinitan

Ito po ay si Stella, ang aking napiling modelo para sa temang ‘Balingkinitan’. Regalo po ito sa akin ng aking kaibigan na nag-ngangalang Stella at imbes na Merva (ang pangalan ng manyikang ito ayon sa kanyang sisidlan) ay isinunod ko sa pangalan ng nagbigay sa akin. Mas bagay naman ang Stella sa kanya, di ba?

Ah, balingkinitang katawan - ang unang-unang nagbabago sa katawan ng isang babae matapos niyang magbigay-silang sa kanyang mga supling. Lumang mga larawan, madalas pagmasdan. Sabay buntong hininga at bulong sa sarili na:

‘ hu hu hu …ang sexy ko nuon, paano ko kaya ito maibabalik?‘

Paano nga ba? Tigilan ubusin ang mga tira sa pinggan ng mga anak? Ehersisyo? Dieta?
Bakit nga ba na sa kabila ng dami ng problema, ang babae ay lalong lumulusog? ‘Kainis ka Stella!

Huwebes na naman! Umpisahan na ninyong ipakita ang inyong balingkinitang mga akda!!

LP# 14: Tatak PINOY

Magandang Huwebes sa inyong lahat, mga kapatid na L.P.! Sa mga gising pa at talagang hinihintay ang pagsisimula ng Litratong Pinoy tuwing Huwebes, nakakatuwang makita kayo sa ganitong oras dito sa Litratong Pinoy. Nakakailang tasa ng kape na ba kayo? ;) Sa mga miyembro po natin na nag-aantabay sa iba’t ibang parte ng mundo, kumusta na kayo?!

Inihahandog po sa INYONG LAHAT ng Litratong Pinoy ang mga katagang nakatala sa T-shirt (nasa larawan) na ito.

Kailan mo huling sinabihan ng ‘Ay Lab Yu’ ang mga mahal mo sa buhay?

Umpisahan na po natin ang kasayahan, huwag kalimutan dalawin ang iyong mga kapatid na L.P.!!

LP #13: Pag-aaral

“Ma, baon ko po? Ma-le-late na po ako sa school!”

Bukang bibig naming magkakapatid tuwing umaga kapag kumakaripas ng takbo at halos mahuhuli na sa pagpasok sa eskuelahan. Nang mga panahon na iyun, hindi namin naisip na ang mga magulang namin ay hindi laging may perang iaabot para lamang bigyan kami ng ‘baon.’ May mga pagkakataong kailangan liitan ang baon dahil sa kagipitan. Apat na batang sabay-sabay na nag-aaral ay sadyang mahirap na pasanin kahit na ang 2 magulang ay kapwang may trabaho. ” Magkaroon kami magandang kinabukasan“, tanging nais ng aming mga magulang.

Pribado o pampublikong paaralan, kapwa itong nangangailangan ng salaping pambayad upang mapag-aral ang mga anak. Saan mang dako ng mundo, taon-taon ay ang pagpapa-aral ang pinaghahandaan ng mga magulang sa pamamagitan ng pagsusumikap na kumita ng pambayad sa paaralan.

Sa kasamaang palad ay hindi laging nasusulit ang paghihirap ng mga magulang. Hindi madaling tanggapin na ang iyong anak ay nawalan ng interes sa pag-aaral na konting panahon na lang ay magma-martsa na eto sa entablado upang kunin ang kanyang diploma. O bigla na lamang ito nag-uwi ng nobya na itinanan sa dahilang magkaka-apo ka na. O kaya naman ay napatalsik ng kanyang paaralan sa kadahilanang ito ay matagal ng nagbubulakbol at hindi pumapasok.

Sa kabilang banda, sadyang maraming magulang din ang binigyang ligaya ng kanilang mga anak na nagsikap at nagpakahirap upang makapagtapos ng pag-aaral. Mga anak na nakakaunawa ng paghihirap at sakripisyo ng mga magulang para sa kanilang kinabukasan.

Pag-aaral. Tanging nais ng mga magulang na idulot sa kanilang mga anak.

Pag-aaral. Katumbas ay hirap at pasakit ng ating mga magulang.

Pag-aaral. Pag-igihan. At sana’y laging pahalagahan.

MAGANDANG HUWEBES SA INYONG LAHAT!!

——————————————————-

Para po sa hindi pa nakakapunta o nagrerehistro sa ating FORUM, i click lamang po ninyo ang dilaw na logo sa ating sidebar para madali itong mapuntahan.

At para din po sa hindi pa nakaka-alam tungkol sa ating Unang Opisyal na L.P. EB/Photo Op sa darating na Agosto 9, 2008, mangyari po lamang na bisitahin ang nakaraang akda or ang ating Forum para sa detalye. Yung mga gustong sumama, MAGPA-LISTA NA PO KAYO NG INYONG MGA PANGALAN!! Maraming Salamat!!

LP# 12: ITAY

Gaya po ng nakikita ninyo, hindi Pinoy ang aking lahok na AMA. Ito po ang ama ng aking kabiyak, 83 taong gulang na po sya.
Tumatayong ina at ama sa aking kabiyak at kapatid nito sa nagdaang dalawang dekada hanggang sa kasalukuyan. Siya ang tipo ng ama na gagawin lahat para sa kanyang mga anak. Kayang kaya ninyang gampanan hindi lamang ang papel ng ama kundi lalo na ng ina. Nuong hindi pa nagsisipag-asawa ang mga anak ay kanyang ginampanan ang paglalaba, paglilinis ng bahay, pamamalengke, pagluluto, lahat ng trabahong ina at ang mga nabanggit ay normal para sa kanya. Sa aking pagkakaalam, walang pagkakataon na iniwan nya ang kaniyang pamilya simula ng sya ay magkapamilya para lamang sumama sa mga kabarkada na mag ‘relax’ sa pub na normal na ginagawa ng ibang kalalakihan dito. Para sa kanya, pwede kang mag relax na kasama mo ang buong pamilya mo. Kaya ganun na lang ang higpit ng kanyang relasyon sa aking kabiyak.

Nalagpasan ang 2 pandaigdig na digmaan. Nalagpasan ang hirap sa kalooban na mamatayan ng mga mahal sa buhay na higit na nakababata sa kanya. Kasalukuyang nilalabanan nya ang prostate cancer sa pamamagitan ng positibong pananaw pa rin sa buhay. Paminsan-minsan ay nakakaramdam ng pagkalungkot sapagkat hindi na nya magawa ang mga bagay na nagagawa nya nuong sya ay medyo bata pa. Alam nyo bang kung kakayanin nya lang ay araw araw nya ipagluluto ng paboritong pagkain ang aking kabiyak? Paborito kasi nya ang pagluluto.

Hindi man sya Filipino ay paborito naman nyang kainin ay ang ating TAPSILOG o TOCILOG o kombinasyon nito.

Sa aming bahay ay madalas yan ang iniluluto kapag dumadalaw sya. Paborito din nya ang sinigang na baboy, pritong daeng at adobo. Pinoy na pinoy, ano po?

Mabuhay ang mga Ama! Salamat sa inyong pangangalaga sa inyong mga pamilya.

*****************************************************************

Sa mga hindi pa po nakakaalam, ang ating FORUM ay bukas na po at lahat kayo ay inaanyayahan dito. Nasa sidebar po ang button, i-click nyo lang ito para madali mapuntahan.

Litratong Pinoy Forum

Dear L.P. members, we’re happy to announce that our very own FORUM is Up and Running! Kindly click this forum link or the image below for easy access. Sign up and have fun!

L.P. wishes to thank iRonnie for customizing our new WP Theme.

For our members celebrating their birthdays, from now on you may greet them at the Forum. So do not forget to include your birthdays when signing up, for it to show automatically at the bottom of the board.

special mention: L.P. member, Ms. Ces of cesanciano.net/spices recently launched her food photo meme known as LA.PI.S …check out her blog for more information.

SEE YOU AT THE FORUM!