LP 76: Palengke
September 24, 2009 by admin
Filed under LP entries
Palengke. Market.
Malansa. Mainit. Basa. Sariwang paninda. Ay, minsan ay may bilasa nga pala!
Pwede tumawad, huwag nga lang sobra at iismiran ka ng tindera.
Ikaw ba ay namamalengke pa o mas gusto mo mamili sa inyong lokal na grocery?
Sa palengkeng ito, ang mga tindera at tindero ay napipilitang mag-adjust sa kanilang paligid. Dahil kailangan nilang kumita ng pera.
Ito ang klase ng palengke na ‘natitiklop’. Oo! Naititiklop!
Ang Maeklong market.
Ang palengke ay nasa kalagitnaan ng Maeklong railway.
Maraming pumupunta ditong turista para masaksihan ang kakaibang kaganapan sa palengkeng ito. Ilang beses din sa isang araw ay nangyayari ito.
Ayan na, medyo nagtatakbuhan na ang tao!
Biglang luminis ang gitna ng railway!
Dahil sa paparating na ang tren!
Kailangan din ng ingat habang kumukuha ka ng larawan dito. Medyo kinailangan din akong hatakin ng asawa ko dahil hindi ko napansin na konti na lang ang agwat namin ng paparating na tren.
Matapos dumaan ng tren ay syempre pa, patuloy lang ang buhay ng mga tindero at tindera dito. Kakaiba ano?!
Magandang Huwebes ng Litratong Pinoy po sa inyong lahat!!
