LP 70: Tanghalian

Magandang Huwebes sa inyong lahat, mga Binibini at Ginoo ng Litratong Pinoy! Narito na naman tayo para sa isang ‘nakakatakam’ na tema sa buwan na ito ng Agosto. Pero bago ang lahat ay nagpapasalamat po ako sa inyong interes sa atin bagong proyektong “Litratong Pinoy goes to!” (<<– sa mga hindi pa po nakaka-alam sa proyektong ito ay i-click lamang ninyo ang link) Sa mga nagtatanong po kung kailan maaring um-order muli ng tshirt, sa kasamaang palad po ay wala na sa Pilipinas ang ating in-orderan ng shirts. ONLINE PRINTING po ang isa pa nating maaring gawin. Ibibigay ko po sa inyo ang print design na ginamit sa mga naunang tshirts at ito po ang maari ninyong gamitin.
Sa katanungan naman po na kung pwede ay banner, poster or tarpaulin ang gamitin, pwede po! Lamang po ay gagawin nating unipormado kaya’t ang shirt print design din po ang ating gagamitin. Marami pong paraan kaya tiyak na makakasali ang lahat sa proyektong ito

Simulan na po natin. TANGHALIAN, yan ang ating tema.

Sa atin pong mga Pinoy na nasa ibang bayan, marami sa atin ay talagang miss na miss na ang mga lutong Pinoy, di po ba? Katulad ko po, kahit na medyo nakakapagluto ako ay hinahanap-hanap ko pa rin ang lutuin ng aking lola at ina. Napakasarap nilang magluto, lalo na ng lola ko. Kaya talaga naman ng makauwi nuong isang taon ay puro kain na lang yata ang ginawa ko. Alam ng aking pamilya sa Pilipinas kung gaano ko ka-miss ang Pinoy food kaya naman ang aking 2 kapatid na babae at nanay ay ipinagluto ako ng aking paborito. Lumpiang ubod, palabok at putopao (puto na may asado sa loob.) Naku sinabi ko sa inyo, halos maimpacho ako sa dami ng nakain ko!

Nais ko ring imbitahan kayo sa aking munting salo-salo sa araw na ito dahil hindi po ninyo naitatanong, kaarawan ko din ngayong Agosto 13.

Sana po ay nagustuhan ninyo ang ating munting handa Magandang araw ng LP sa inyong lahat!!