LP 31: Kadiliman
Bago po tayo magsimula ay atin munang batiin ang ating mga samahan na nagselebra ng kanilang mga kaarawan:
MommyBA: Oct. 22, Nick Ballesteros: Oct. 27 at Linnor: Oct. 30 Huli man po ay inyo pa rin pong tanggapin ang aming Maligayang Pagbati sa inyong Kaarawan!
**********************************************
Ang ating Paksa: Kadiliman
Bakit nga ba sadyang kinatatakutan minsan ang kadiliman? Dahil ba sa nuong bata pa tayo ay ito ang ginagamit na panakot sa atin ng mga nakatatanda? Dahil ba sa mahirap mangapa at magmistulang bulag sa gitna ng kadiliman? Dahil ba sa naniniwala ka sa mga multo, bampira, tyanak at kung anu-ano pang kinatatakutan sa kadiliman?
Bakit nga ba? Ano nga ba mayroon ang kadiliman na sadyang nakakapagpatindig sa ating mga balahibo paminsan-minsan? Hindi ko maipapaliwanag! Subalit mabuti na lang na ang kadiliman ay may hatid din ibang pakiramdam bukod sa ito ay katakutan. Tulad ng nasa larawan.
Ano nga ba ito?
