Litratong Pinoy

Jul-2-2009

LP 64: Kandado

Hulyo na at eto na naman tayo! Umpisahan natin ang buwan ng ito sa pamamagitan ng napakadaling tema : “Kandado”! pero bago tayo magsimula ay atin munang batiin ang ating mga kasamahan na magdiriwang ng kanilang kaarawan ngayong Hulyo:

Maaring ang iba po sa kanila ay ilang buwan na nating hindi nakakasalamuha (sana ay pangsamantala lamang ang kanilang ‘bakasyon’ ) ganun pa man ay isa pong MALIGAYANG BATI SA INYONG KAARAWAN, pagpalain po kayong lahat!!

*****************************

Bakit nga ba naimbento ang kandado? Palagay ko ay dahil lamang sa iisang ugat ang rason nito. Proteksyon.

Nasabing ang pinakaunang kandado ay natagpuan sa mga guho na malapit sa Ninevah, ito ay ipinagpapalagay na halos 4,000 taon ang edad…

“The oldest known lock was found by archeologists in the Khorsabad palace ruins near Nineveh. The lock was estimated to be 4,000 years old. It was a forerunner to a pin tumbler type of lock, and a common Egyptian lock for the time. This lock worked using a large wooden bolt to secure a door, which had a slot with several holes in its upper surface. The holes were filled with wooden pegs that prevented the bolt from being opened.” - history of locks

Nakakalungkot man isipin subalit hindi natin maikakaila na sa panahong ito, ang kapirasong kandado na gaya nito ay nakakapagbigay sa atin ng kapayapaan ng isip tuwing tayo ay lumalabas ng ating tahanan. Nakakalungkot dahil halos wala na tayong tiwala sa mga tao sa ating paligid!

At kung iisipin natin, libong taon na nakaraan ay kinailangan na nilang gumamit ng kandado.

Napapailing na lang ako.

Posted by admin | Posted under L.P.
Mga Nag-iwan ng Komento:Stripe&Yellow fortuitous faery Something Purple blah girl Dr Emer Jay - Agent112778 Willa emarene jeanny ian Thess peachy maver rose laagansagayud Em Dy ShutterHappyJenn mariTES Mauie arlene Yami lino Mhay betchay bang

26 comments

Jun-25-2009

LP 63: Dito Lang

Ikinagagalak kong maging panauhing litratista ngayong linggo para sa temang “Dito Lang.”

Dito lang sa kabisera ng Canada–Ottawa–matatagpuan ang Parliament. Pansin namin ng aking kasa-kasamang manika na si Miss Igorota (http://missigorota.blogspot.com) na medyo hawig nitong gusaling ito ang Big Ben sa London. Dito lang mapapanood ang “Changing of the Guards” o pagpapalit ng mga gwardya gaya ng ginagawa sa Buckingham Palace, pero sa Hunyo 27 pa raw ito sisimulan kung kaya’t hindi namin ito napanood noong isang linggo.

Dito lang makikita sa harap ng Parliament ang nag-aapoy na fountain na tinatawag nilang “Eternal Flame.” Hindi ba pamagat ng kanta ‘yon? Kung mapapansin niyo rin ay maraming may bisikleta dito. Dito lang ako nakakita ng maraming nagbibisikleta sa daan pero walang bicycle lane di gaya sa Marikina City.

Dito lang ako nakakita ng higanteng gagamba na tinawag ng iskultor nito (Louise Bourgeois) na “Maman” o Ina sa wikang Pranses, dahil ihinahambing daw niya ang kanyang ina sa gagamba. May mga itlog pa nga sa ilalim nito!

At dito lang sa Ottawa makikita ang Rideau Canal–isang UNESCO World Heritage Site. Pagsapit ng taglamig, nagiging “pinakamahabang skating rink sa buong mundo” ito!

Maraming salamat sa pagtampok sa aking mga litrato. Ako po si Fortuitous Faery, dito lang po sa tabi-tabi ng New Jersey.

Posted by panauhing_litratista | Posted under L.P.
Mga Nag-iwan ng Komento:peachkins julie jeanny Litratong Pinoy: Dito Lang : I Set No Corner iRonnie Thess bang LINNOR emarene Jay - Agent112778 teys yeye Ken ian Nortehanon carnation upto6only maver Cookie an2nette Dr Emer Buge sassy mom Marites iris jennyL lino SI PI EY on Board luna miranda Eds Arlene Janelle Ria MAARTE Mahalia peachy fortuitous faery Rico ternski leira

45 comments

Jun-17-2009

LP 62: Imposible ba ito?

Magandang Huwebes po sa inyong lahat! Araw na naman ng kasayahan sa Litratong Pinoy kaya halina kayo at ating samahan ang ating panauhing litratista na si Bb. Pao Alfonso. Narito ang kanyang akda para sa temang ito.

——————————————————–

Imposible ba na ang lahat ng mga bata ay talagang magkaroon ng pagkakataon na maging bata? Na sila’y makapaglaro, makapag-aral, at maging ligtas sa mga sakuna dahil mayroong nagpoprotekta sa kanila? Tuwing nakakakita ako ng mga bata na nagpapalaboy o nagtatrabaho imbes na nag-aaral, nalulungkot talaga ako. Hindi man naging sobrang saya ng kabataan ko, masasabi ko naman na nagkaroon ako ng childhood at hindi lumipas ang mga panahon na iyon na hindi ko na-enjoy ang pagiging isang bata. Yung mga bata na naglalatag ng kamote, nakita ko sila sa Hidalgo, malapit sa simbahan ng Quiapo. Pinagmamasdan ko sila habang hinahanay ng maayos ang mga paninda nila. Minsan wala talagang ibang choice kung hindi ang kumayod din para sa ikabubuhay nila. Kahit saan ka nga tumingin may mga bata na nagtatrabaho sa murang edad. Minsan nagkakarga ng mga paninda sa palengke, nagbubungkal ng mga basura, gumagawa ng mga paputok, at kung anu-ano pa. Sana dumating ang panahon na mag-evolve ang society natin, at maging mas angkop para sa ikabubuti ng mga bata, tutal, sila naman ang pag-asa ng bayan talaga. Sana ang mga magulang, iisipin ng mabuti kung kaya ba nilang magtaguyod ng pamilya bago bumuo ng sangkatutak na mga anak. Imposible din ba na magkaroon ng mas maraming programa ang gobyerno para proactively na maprotektahan ang mga karapatan ng mga bata? Heto ang listahan ng mga karapatan na iyon:

1. Maipanganak, magkaroon ng pangalan at nasyonalidad.
2. Magkaroon ng mag-aalaga at mapagmahal na pamilya.
3. Mabuhay ng mapayapa sa isang komunidad and mabuting kapaligiran.
4. Makakain ng sapat at nagkaroon ng aktibo at malusog na pangangatawan.
5. Magkaroon ng edukasyon at mahubog ang kanilang potensiyal
6. Karapatan sa paglalaro at libangan.
7. Magprotektahan laban sa abuso, pagpapabaya, karahasan at panganib.
8. Madepensahan at matulungan ng pamahalaan
9. Mapahayag ang kanilang mga saluobin at pananaw.